شيعتك أسمع صداها

هاي صرخة أسمع صداها يا حسينٌ يا شهيد
شيعتك سفكوا دماها أنصار مروان ويزيد
ردت الأحقاد .. يا أبو السجاد
ردت الأحقاد .. يا أبو السجاد
-
هاي صرخة أسمع صداها يا إمام الثائرين
ردت أسيوف آل أمية اليوم بيد الناصبين
قام تذبح على الهوية الـ والى أمير المؤمنين
دين ما عندها وعقيدة والكفر صار إلها دين
ردت الأشرار .. يبن حامي الجار
شيعتك يريدوها اتصبح .. لآبن مرجانة عبيد
:
ردت أحفاد آل أمية ورد يبو اليمة الجرح
صار كل عاشور عندهم ﭼانه نحرك ينذبح
ما يريدون الجروح البيك تشفى وتنمسح
خاف أوضح بعد أكثر والقضية تنفضح
خاف جرحي يثور .. وأكشف المستور
صار كل عشرة محرم .. للنواصب يوم عيد
:
شيعتك سفكوا دماها وحللوا قطعوا النحور
كيف كل عاشور تطلع سيدي اتدق على الصدور
ﭼان كل ظنهم نعوفك لو نخاف وما نزور
خاب ظنهم ما درونا الكون يهتز من نثور
مادروا الأنصاب .. يبن داحي الباب
احنا لو ذبحونا نحيا .. بيوم عاشر من جديد
:
ردت أحفاد آل أمية لاﭼن بأعنف وأشد
صار بالجُمله ذبحهم شمل حتى الـ بالمهد
والذريعة احنا روافض شيعة مالنا عهد
غير حيدر بالخلافة ما رضينا بأي أحد
ما رضينا أصنام .. تحكم الإسلام
رحمة ما عدها وعدالة تحكم بحر الحديد
:
هاي أخر صرخة ظلت يمتى يا حسين الفرج
شيعتك ضحت بكلشي وبعد ما ظلت حجج
صارت الدنيا الحقيرة لهرج تدريها ومرج
يمتى يالموعود .. يبو اليمة يعود
من كثر الهضم الـ علينه دمنه يصرخ بالوريد
من كثر الهضم الـ علينه دمنه يصرخ بالوريد