عهدي مع الحسين

عهد خطينه من دم الوريد .. للمذلة ما نبايع يا يزيد
لا وحق احسين .. ما تصير اثنين
كلمة ﮔلناها وبعد لا ما نعيد
للمذلة ما نبايع يا يزيد
-
لا وحق احسين واﭼفوف الكفيل
وحق صرخات اليتامى والعويل
مستحيل للذلة نركع مستحيل
نموت بس بعز ولا نرضى ببديل
ما نطخ الرأس بوداعة العباس
نضحي حتى الــ بالمهد يصبح شهيد
للمذلة ما نبايع يا يزيد
:
على العهد باقين لو جار الطغات
لجل حب احسين نرخص هالحيات
طبع بينا على المذلة ما نبات
مثل طبع النخل شامخ بالممات
وارثين أطباع أهل غيرة أسباع
بني هاشم ما صفوا للذل عبيد
للمذلة ما نبايع يا يزيد
:
بس لأبو السجاد بايعنا بشرف
ولعلي المدفون في أرض النجف
لأن شفنا احسين على الظالم هتف
ما أبايع صاح والكون ارتجف
هتف لا للعار احسين أبو الأحرار
إذا ولد احسين احنا اش ما تزيد
للمذلة ما نبايع يا يزيد
:
ظالم أنت وأدري بيك اش ما تجور
آنا أتحداك وأتعنى وأزور
فجر أذبح ما يهم حز النحور
لو يفيض الدم مثل فيض البحور
لا تظن نخاف للمنايا أوصاف
والدرب للموت مو كلش بعيد
والدرب للموت مو كلش بعيد
للمذلة ما نبايع يايزيد